Sveçla: Sulmet në veri, dëshpërim i bandave të dirigjuara nga Beogradi

12:20 | 29 Nëntor 2024
A Z

Ministri i Punëve të Brendshme, Xhelal Sveçla ka reaguar pas sulmit me granatë dore në Komunën e Zveçanit.

Ai ka thënë se sulmet e ditëve të fundit ndaj institucioneve në veri janë shprehje e dëshprimit dhe qyqarllëkut të bandave kriminale me dirigjim nga Beogradi.

“Në kohën kur po çmontohen ditë e më shumë, dëshpërimisht duan të tregojnë se ende janë këtu dhe të fortë. Por, ne jemi më të vendosur se kurrë deri në eliminimin e plotë të secilës grimcë kriminale e terroriste në vendin tonë. E themi troç atë që kemi përsëritur përgjatë këtyrë katër viteve: Koha e pandëshkueshmërisë dhe amnistisë ndaj bandave kriminale ka përfunduar”, ka shkruar Sveçla në Facebook.

Ai tutje ka thënë se kushtetushmëria, ligjshmëria, rendi e ligji do të funksionojnë në çdo cep sikurse liria dhe të drejtat e qytetarëve nuk mund t’i ndalojë askush përmes frikës e terrorizimit./rtk

Shpërndaje në rrjete sociale

Lajmet më të lexuara

Të ngjashme

Foto lajm